Oyorooms IN

Friday, 24th February, 2017 6:47 AM

BREAKING NEWS

ಕೋಲಾರ

ರಮ್ಯ ಬೆಂಬಲಕ್ಕೆ ನಿಂತ ಬೃಂದಾ ಕಾರಟ್, ಬಿಜೆಪಿ-ಕಾಂಗ್ರೆಸ್ ಎರಡು ಪಕ್ಷಗಳು ಒಂದೇ

brundha karant in kolara

ಕೋಲಾರ: ಮಾಜಿ ಸಂಸದೆ ರಮ್ಯಾರ ಪಾಕಿಸ್ತಾನ ಕುರಿತ ಹೇಳಿಕೆಯಲ್ಲಿ ಯಾವುದೇ ದೇಶದ್ರೋಹದ ಪದವಿಲ್ಲ. ಅಮ್ನೆಸ್ಟಿ ಇಂಟರ್ ನ್ಯಾಷನಲ್ ಸಂಸ್ಥೆಯಲ್ಲಿ ನಡೆದ ಸಂವಾದದಲ್ಲಿ ಕಾಶ್ಮೀರ, ಸೈನಿಕರ ಬಗ್ಗೆ ಚರ್ಚೆಯಾಗಿದೆ ಹೊರತು ದೇಶದ್ರೋಹದ ಕೃತ್ಯ ನಡೆದಿಲ್ಲ. ಇದರ ವಿರುದ್ದ ಪ್ರತಿಭಟನೆ ನಡೆಸುತ್ತಿರುವ ಎ.ಬಿ.ವಿ.ಪಿ ಗುಂಡಾಗಳನ್ನು ಜೈಲಿಗೆ ಅಟ್ಟಬೇಕು ಎಂದು ರಾಜ್ಯಸಭಾ ಮಾಜಿ ಸದಸ್ಯೆ ಬೃಂದಾ ಕಾರಟ್ ತೀವ್ರ ವಾಗ್ದಾಳಿ ನಡೆಸಿದರು.

ನಗರದ ಜೂನಿಯರ್ ಕಾಲೇಜು ಮೈದಾನದಲ್ಲಿ ಅಖಿಲ ಭಾರತ ಜನವಾದಿ ಮಹಿಳಾ ಸಂಘಟನೆಯ 9ನೇ ರಾಜ್ಯ ಸಮ್ಮೇಳನ ಉದ್ಘಾಟಿಸಿ ಮಾತನಾಡಿ, ಬಿ.ಜೆ.ಪಿ, ಆರೆಸ್ಸೆಸ್ ತಮ್ಮ ವೈಪಲ್ಯಗಳನ್ನು ಮುಚ್ಚಿಕೊಳ್ಳಲು ಗೋರಕ್ಷಣೆ ಬಗ್ಗೆ ಮಾತನಾಡುತ್ತಿವೆ, ಗೋರಕ್ಷಣೆ ಬಗ್ಗೆ ಹಿಂದೂವಾದಿಗಳಿಂದ ಕಲಿಯಬೇಕಿಲ್ಲ ಎಂದರು.

ಗುಜರಾತಿನ ಉನಾದಲ್ಲಿ ಮರಣ ಹೊಂದಿದ ದನಗಳನ್ನು ಸಾಗಿಸುತ್ತಿದ್ದ ದಲಿತ ಯುವಕರ ಮೇಲೆ ಹಿಂದುತ್ವವಾದಿಗಳು ಅರಬೆತ್ತಲೆ ಮಾಡಿ ತೀವ್ರ ದಾಳಿ ನಡೆಸಿದ್ದಾರೆ, ದಾದ್ರಿಯಲ್ಲಿ ಇಕ್ಲಾಕ್‌ನನ್ನು ಕೊಂದರು. ಆರೆಸ್ಸೆಸ್ ಎಂದರೆ ರಾಷ್ಟ್ರ ಸರ್ವ ನಾಶ ಸಮಿತಿ ಎಂದು ಕಿಡಿಕಾರಿದರು.

ವಿಶೇಷಚೇತನ, ವೃದ್ದ, ವಿಧವೆಯರಿಗೆ ಮಾಸಾಶನ ನೀಡಲು ಯೋಗ್ಯತೆ ಇಲ್ಲದ ನರೇಂದ್ರ ಮೋದಿ ಸರಕಾರವು, ಗೋವುಗಳಿಗೆ ಮಾಸಾಶನ ನೀಡುತ್ತೇವೆ ಎಂದು ಹೇಳಿರುವುದು ನಾಚಿಕೆಗೇಡು ಎಂದು ಆರೋಪಿಸಿದರು.

ನಮಗೆ ಹಿಂದೂ ಧರ್ಮದ ಬಗ್ಗೆ ವಿರೋಧವಿಲ್ಲ. ಯಾವ ದೇವರನ್ನು ಪೂಜಿಸಬೇಕು ಎಂಬುವುದು ಎಲ್ಲರ ವೈಯಕ್ತಿಕ ವಿಚಾರ, ಆದರೆ ಧರ್ಮದ ಆಧಾರದಲ್ಲಿ ಕೋಮುವಾದಿಗಳು ಒಡೆದಾಳುವ ನೀತಿ ಅನುಸರಿಸುತ್ತಿರುವುದು ಸರಿಯಲ್ಲ.
ಹೆಣಗಳ ಮೇಲೆ ಬಿಜೆಪಿ, ಹಿಂದೂವಾದಿಗಳು ಅಧಿಕಾರ ಪಡೆಯಲು ಹಿಂದೆ ಮುಂದೆ ನೋಡುವುದಿಲ್ಲ ಎಂದು ಆರೋಪಿಸಿದರು.

ಬಿಜೆಪಿ-ಕಾಂಗ್ರೆಸ್ ಎರಡು ಪಕ್ಷಗಳು ಒಂದೇ ಆಗಿವೆ, ರಾಷ್ಟ್ರದಲ್ಲಿ ಆರ್ಥಿಕ ಅಸಮಾನತೆಗೆ ಈ ಎರಡು ರಾಷ್ಟ್ರೀಯ ಪಕ್ಷಗಳೇ ಮೂಲ ಕಾರಣ. ಉದ್ಯೋಗ ಖಾತ್ರಿ ಯೋಜನೆಯಲ್ಲಿ ಕೇಂದ್ರವು ರಾಜ್ಯದ ಪಾಲನ್ನು ಕಡಿತಗೊಳಿಸಿದೆ, ಖಾತ್ರಿ ಯೋಜನೆಯಡಿ ಉದ್ಯೋಗ ಮಾಡಿದವರಿಗೆ 6 ತಿಂಗಳಾದರೂ ವೇತನ ನೀಡುತ್ತಿಲ್ಲ ಎಂದು ಅಸಮಾಧಾನ ವ್ಯಕ್ತಪಡಿಸಿದರು.

ಪ್ರತಿ ದಿನವು ದೇಶದಲ್ಲಿ 93 ಮಹಿಳೆಯರ ಮೇಲೆ ಅತ್ಯಾಚಾರವಾಗುತ್ತಿದೆ. ಪೊಲೀಸರಿಂದ ಸಂತ್ರಸ್ತೆಯರಿಗೆ ಯಾವುದೇ ನ್ಯಾಯ ಸಿಗುತ್ತಿಲ್ಲ, ಅಚ್ಚೇ ದಿನ್ ಬರುತ್ತದೆ ಎಂದು ಹೇಳಿದ ಪ್ರಧಾನಿ ಮೋದಿ ಬೆಲೆ ಏರಿಕೆ ದಿನಗಳನ್ನು ದಯಪಾಲಿಸಿದ್ದಾರೆ.

ಆಹಾರ ಬೆಳೆ, ಧಾನ್ಯಗಳನ್ನು ದುಬಾರಿ ಬೆಲೆಗೆ ಮಹಿಳೆಯರು ಖರೀದಿಸಲು ಸಾಧ್ಯವಾಗದೆ ಬೆಳೆ, ಧಾನ್ಯಗಳು ಇಲ್ಲದ ಸಾಂಬಾರು ಮಾಡಬೇಕಾದ ಸ್ಥಿತಿಗೆ ಬಿ.ಜೆ.ಪಿ ಕೊಂಡೊಯ್ಯಿದೆ ಎಂದು ವ್ಯಂಗ್ಯವಾಡಿದರು.

ಚಿನ್ನದ ಗಣಿಗೆ ಪ್ರಸಿದ್ದವಾಗಿದ್ದ ಜಿಲ್ಲೆಯಲ್ಲಿ ಮಳೆ ಅಭಾವದಿಂದ ತೀವ್ರ ನೀರಿನ ಸಮಸ್ಯೆ ಉದ್ಬವಿಸಿದೆ. ಒಂದು ಕೊಳ ನೀರು ತರಬೇಕಾದರೂ ಹೆಣ್ಣು ಮಕ್ಕಳು ಹತ್ತಾರು ಕಿ.ಮೀ ಹೋಗಬೇಕು. ನೀರಿಲ್ಲದೆ ಕೃಷಿ ಚಟುವಟಿಕೆಗಳು ಸ್ಥಗಿತಗೊಂಡಿವೆ. ಸರಕಾರಗಳು ಕೋಲಾರ ಜಿಲ್ಲೆಗೆ ಶಾಶ್ವತ ನೀರಾವರಿ ಸೌಲಭ್ಯ ಒದಗಿಸಬೇಕು ಎಂದು ಒತ್ತಾಯಿಸಿದರು.

ಸಂಘಟನೆಯ ರಾಜ್ಯ ಉಪಾಧ್ಯಕ್ಷೆ ನೀಲಾ .ಕೆ. ಮಾತನಾಡಿ ಕೇಂದ್ರ ಸರಕಾರಕ್ಕೆ ಮನುಷ್ಯರಿಗಿಂತ ಹಸುಗಳೆ ಮುಖ್ಯ. ಅವುಗಳಿಗೆ ನೀಡುವ ಗೌರವ ಹೆಣ್ಣು ಮಕ್ಕಳಿಗೂ ಸಿಗುತ್ತಿಲ್ಲ ಎಂದು ದೂರಿದರು.

ಮಹಾತ್ಮ ಗಾಂಧಿಯನ್ನು ಹತ್ಯೆ ಮಾಡಿದ ಪಕ್ಷಗಳು ದೇಶಕ್ಕೆ ನೀತಿ ಪಾಠ ಹೇಳಲು ಹೊರಟಿವೆ. ಕಾಂಗ್ರೆಸ್, ಬಿ.ಜೆ.ಪಿ ಎರಡು ಪಕ್ಷಗಳು ಸೇರಿಕೊಂಡು ದೇಶವನ್ನು ಮಾರಾಟ ಮಾಡಲು ತುದಿಗಾಲಲ್ಲಿ ನಿಂತಿವೆ. ಮುಖ್ಯಮಂತ್ರಿ ಸಿದ್ದರಾಮಯ್ಯ ಬಿ.ಜೆ.ಪಿ ಗಿಂತ ಭಿನ್ನವೇನಲ್ಲ ಎಂದು ಆರೋಪಿಸಿದರು.

ಹೆಣ್ಣು ಮಕ್ಕಳು ಮನೆಯಲ್ಲಿ ಇರುವಂತೆ ಆರೆಸ್ಸೆಸ್ ಮುಖ್ಯಸ್ಥ ಮೋಹನ್ ಭಾಗವಾತ್ ಕರೆ ನೀಡುತ್ತಾರೆ. ಮನೆಯಲ್ಲಿಯೇ ಉಳಿದಿದ್ದಾರೆ ಒಲಿಂಪಿಕ್ಸ್‌ನಲ್ಲಿ ಮಹಿಳಾ ಸ್ಪರ್ಧಿಗಳು ಪದಕ ಗೆಲ್ಲಲು ಸಾಧ್ಯವಾಗುತ್ತಿತ್ತೆ. ಇಂತಹ ಮಹಿಳಾ ವಿರೋಧಿ ಧೋರಣೆ ಹೇಳಿಕೆಗಳನ್ನು ನೀಡಬಾರದು ಎಂದರು.

ರೇಷನ್ ಕಾರ್ಡ್, ಉದ್ಯೋಗ್ಯ ಖಾತ್ರಿ ಹಣ, ಮಾಸಾಶನ ಸಿಗದೆ ಜನ ಪರದಾಡುತ್ತಿದ್ದಾರೆ. ಕೇಂದ್ರವು ಮುಂಗಡ ಪತ್ರದಲ್ಲಿ ಮಹಿಳೆಯರ ಸಬಲೀಕರಣ ಕಾರ್ಯಕ್ರಮಗಳಿಗೆ ಕಡಿಮೆ ಅನುದಾನ ಮೀಸಲು ಮಾಡಿ ತಮ್ಮ ವ್ಯಕ್ತಿತ್ವ ಸಾಬೀತು ಪಡಿಸಿದ್ದಾರೆ ಎಂದು ತಿಳಿಸಿದರು.

ರಾಜ್ಯಾಧ್ಯಕ್ಷೆ ಗೀತಾ .ವಿ ಮಾತನಾಡಿ ಹೆಣ್ಣು ಕುಟುಂಬದ ಎಲ್ಲರ ಯೋಗಕ್ಷೇಮವನ್ನು ವಿಚಾರಿಸುವ ಸೌಜನ್ಯವನ್ನು ಹೊಂದಿದ್ದಾಳೆ. ಅವಳ ಆತ್ಮಸ್ಥೈರ್ಯವನ್ನು ಹೆಚ್ಚಿಸುವ ಕೆಲಸ ಆಗಬೇಕು. ಜಿಲ್ಲೆಗೆ ಶಾಶ್ವತ ನೀರಾವರಿ ಯೋಜನೆ ಹಾಗೂ ಭೂ ಒತ್ತುವರಿ, ರಾಜ ಕಾಲುವೆಗಳ ತೆರುವುಗೊಳಿಸಲು ಸಂಘಟನೆ ಉಗ್ರ ಹೋರಾಟ ಮಾಡಲು ನಿರ್ಧರಿಸಿದೆ ಎಂದು ತಿಳಿಸಿದರು.

ಕಾರ್ಯಕ್ರಮದಲ್ಲಿ ರಾಜ್ಯ ಉಪಾಧ್ಯಕ್ಷೆ ಕೆ.ಎಸ್ ವಿಮಲ, ಪ್ರಾಂತ ರೈತ ಸಂಘದ ರಾಜ್ಯ ಉಪಾಧ್ಯಕ್ಷ ಜಿ.ಸಿ ಬೈಯ್ಯಾರೆಡ್ಡಿ, ಪ್ರಗತಿಪರ ಚಿಂತಕ ಲಕ್ಷ್ಮೀಪತಿ ಕೋಲಾರ, ಸಿ.ಐ.ಟಿ.ಯು ಜಿಲ್ಲಾ ಗೌರವಾಧ್ಯಕ್ಷ ಗಾಂಧಿನಗರ ನಾರಾಯಣಸ್ವಾಮಿ, ಡಾ.ಪ್ರಸನ್ನ ಕುಮಾರಿ, ಎಂ.ವಿ ನಾರಾಯಣಸ್ವಾಮಿ, ಪಂಡಿತ್ ಮುನಿವೆಂಕಟಪ್ಪ, ಎಸ್.ಎಫ್.ಐ ಮುಖಂಡ ವಾಸುದೇವರೆಡ್ಡಿ ಸೇರಿದಂತೆ ಇನ್ನಿತರರು ಭಾಗವಹಿಸಿದ್ದರು.

ವರದಿ ನಮ್ಮ ಪ್ರತಿನಿಧಿ : ಕೋಲಾರ ಚಂದ್ರಶೇಖರ್‌ 

ಕೋಲಾರ ಇನ್ನಷ್ಟು

ಪ್ರಮುಖ ಸುದ್ದಿಗಳು

ಸ್ಟಾರ್ ಹೀರೋ ಹಲ್ಲೆ ನಡೆಸಿದ ಎಂದ ನಟಿಮಣಿ

ತಮಿಳು ಸೂಪರ್ ಸ್ಟಾರ್ ರಜನಿಕಾಂತ್...


ಕಾಂಗ್ರೆಸ್, ಬಿಜೆಪಿ ಕಪ್ಪ ಕಾಣಿಕೆ ನೀಡುವುದು ಹೊಸದೇನಲ್ಲ

ತುಮಕೂರು: ಕಾಂಗ್ರೆಸ್,ಬಿಜಿಪಿ ಪಕ್ಷಗಳು ಹೈಕಮಾಂಡ್‌ಗೆ ಕಪ್ಪಾ...


ಅಶ್ಲೀಲ ಚಿತ್ರ ನೋಡುವ ಗಂಡನನ್ನು ಕಾಪಾಡಿ

ಮುಂಬೈ:  ಮಧ್ಯರಾತ್ರಿಯಲ್ಲೂ ಎದ್ದು ಕೂತು...