Oyorooms IN

Wednesday, 25th January, 2017 6:47 AM

BREAKING NEWS

ಕವನ

ಏನಾಗಿದೆ ನನಗೇನಾಗಿದೆ

15

ಏನಾಗಿದೆ ನನಗೇನಾಗಿದೆ

ಮನಸೀಗ ಏಕೋ ಮರೆಯಾಗಿದೆ..!

ಹಸಿರಾಗಿದೆ ಉಸಿರಾಗಿದೆ

ನಿನ್ನ ಹೆಸರೀಗ ನನ್ನ ಉಸಿರಾಗಿದೆ..!!

 

ಕರಗಿದೆ ಮನ ಕರಗಿದೆ,

ಇಬ್ಬನಿಯಂತೆ ಈ ಮನ ಕರಗಿದೆ..!

ಮುಳ್ಳಿನ ನಡುವಲಿ ಆ ಸುಮದಂತೆ,

ಅರಳಿದ ಹೂಮನವ ನಾ ನೋಡಿದೆ..!!

 

ಹಾರಾಡಿದೆ ಮನ ಹಾರಾಡಿದೆ

ಕನಸುಗಳೆಲ್ಲ ಕೈಸೇರಿದೆ..!

ಮೋಡದ ಮರೆಯ ಕಿರಣಗಳಂತೆ

ಮನದ ಆಳಕೆ ನೀ ಇಳಿದೆ..!!

 

ಹಾಡಿದೆ ಕೋಗಿಲೆ ಹಾಡಿದೆ

ಜೋಡಿಯ ನೋಡಿ ಈಗ ಹೊಗಳಿದೆ..!

ಕೆರೆಯ ಕಮಲಕೆ ನಾಚಿಕೆಯ ಹೆಚ್ಚಿ

ನಗುತ ಕೆನ್ನೆಯು ಕೆಂಪಾಗಿದೆ..!!

 

ಕುಣಿದಿದೆ ಮನ ಕುಣಿದಿದೆ

ನವಿಲಿನ ಜೊತೆಗೆ ನಲಿದಿದೆ..!

ಮಂದಾರಹೂವು ಮಂಟಪದಲ್ಲಿ

ಮದುವೆ ಸಂಭ್ರಮವು ಹೆಚ್ಚಾಗಿದೆ..!!

ಸಿಂಧುಭಾರ್ಗವ್
ಸಿಂಧುಭಾರ್ಗವ್

ಕವನ ಇನ್ನಷ್ಟು

ಪ್ರಮುಖ ಸುದ್ದಿಗಳು